Presentación
O I Congreso Europeo INEO ten como principal misión facilitar o intercambio de coñecemento e o desenvolvemento de produtos entre empresas do sector das Tecnoloxías da información e a Comunicación, para cubrir necesidades presentes e futuras de sectores e mercados a nivel nacional e internacional.

O evento prográmase dentro dunha estratexia de internacionalización das empresas galegas promovida por INEO, donde a asociación actuará como punto de encontro entre as empresas asociadas especialistas no sector e as empresas líderes en tecnoloxías emerxentes.

Destinatarios
- Empresas TIC de Galicia
- Profesionais TIC de Galicia
- Empresas TIC europeas que queiran cooperar para o desenvolvemento de novos produtos
- Empresas que queran mellorar a súa competitividade a través das tecnoloxías

Obxectivos
1.- Facer de Galicia un referente de cooperación europeo.
2.- Coñecer as últimas tendencias tecnolóxicas nos distintos países.
3.- Amosar en que están traballando as empresas europeas tecnolóxicamente emerxentes e que buscan neste sector para poder establecer posibles colaboracións con empresas TIC galegas.
4.- Dotar ás empresas galegas das ferramentas e os procedementos necesarios para o inicio de proxectos de cooperación.

¿Por qué che interesa?
Con este Congreso, Ineo presenta unha aposta innovadora, que pretende situar a Galicia como unha rexión de referencia para o intercambio de coñecemento en materia de Tecnoloxías da Información e Comunicación. Ao mesmo tempo, o Congreso convértese nun espazo para a cooperación establecendo un primeiro paso no inicio de proxectos conxuntos entre as organizacións do sector.